| Garinoaingo Amaiur gizarte-etxean diapositiba-emanaldia: “Dos huellas hacia el sur” | |
| Ekainaren 4ean, ostirala, Natalia Cárcamok eta Miguel Angel Díazek San Franciscotik Ushuaiara (Argentina) txirrinduaz egindako bidaia islatzen duen “Dos huellas hacia el Sur” izeneko erreportaia aurkeztuko dute. |
|
| “Txirrinduaren zantzua, pedalaren erritmo lasaia eta ilusioz beteriko alportxak nahikoak dira Amerika, horren dimentsio erraldoiekin ikaratzen gaituen lurraldea, zeharkatzearen ametsari hegoak emateko. 1998ko udazkenean Amerikan zehar bidaia luzea hastea erabaki genuen, San Frantziskon hasi eta bi txirrindu garraiobide genituela. Amerika pausuz pausu ibiltzea zen gure asmoa, presarik gabe, denbora mugarik gabe, zori-haizeak eramana. |
 |
| 24.000 kilometroz pedalari eraginez
kultura indigenetara hurbiltzeko aukera izan genuen, Ertamerikako sumendietara
begiratzeko aukera, Ketzalaren kolorea ikusteko aukera edo Patagoniaren
amaigabetasuna ezagutzeko parada ere izan genuen. Ustekabe ugari egon
zen bidaian, besteak beste, hegan egiten ikasi ez duen Panchito izeneko
kondorra ezagutu genuen, goiz batean krokodiloz jositako ibai baten
ondoan kanpatu genuela konturatu ginen eta errepideko bihurgune batean
guztiz biluzik zegoen laurogei urteko gizona aurkitu genuen besarkadak
oparitzen zituena. Bidaiak iraun zuen urtebete baino gehiagoan gure
zakuak topaketaz, mendiz, aurpegiz, oihanez eta bitxikeriaz bete ziren
eta horiek guztiak “Dos Huellas Hacia El Sur” liburuan irudikatuak
geratu dira haizeak eraman ez ditzan”.
“Dos Huellas Hacia el Sur” liburua erosi nahi baduzu Miguel Angel Diez egilearekin berarekin harremanetan jar zaitezke honako helbidean: cicleta@wanadoo.es . Liburuak 15 € balio du. Bestela ere, gauza interesgarriz (aktibitateak, bidai kontakizunak,etab.) jositako web orri interesgarria dute: www.cicloviajeros.com |
 |
