2002ko abenduaren 14a, LARUNBATA

Larunbatean, 14an, eguerdiko 12etan, boilur-arboletarako txangoa hasi zen. Aldez aurretik izena eman zuten 50 pertsonek ezagutu zuten bertatik bertara nolakoa den jada ekoizten hasi diren zuhaitz mikorrizatuak eta boilurrak bilatzeko bereziki hezia dagoen zakurrarekin egindako bilketa ikusteko aukera izan zuten, aldi berean boilurraren biologia eta haren landaketa ezagutzeko aukera izan zuten gidaren eta trufa-ekoizleen eskutik. Horretaz gain, boilur-arbola naturalak dauden lekua bisitatu zuten, beheraka doan arren oraindik ere boilurren bat edo beste har daiteke bertan, lur hauek biltzen dituzten ezaugarriak ikus daitezke.

Zakurra lanean ikusteak bertaratutakoen arreta hartu zuen, boilurra bertan dagoela nola erakusten duen eta nola ateratzen duen lurretik. Boilurraren usaia ere berezia da, batzuek oso gustuko dute, besteek aldiz gorroto dute. Baina guztiak bat etorri ziren bikaintzat jotzean hain ohiz kanpoko esperientzia.

Jardunaldia biribiltzeko boilur-produktuz osatutako menua dastatu zuten eta artisau-cava eta ardo ekologikoa egiten den ardandegia bisitatu zituzten ere. Tubala Uxoa Abesbatzak eskainitako kontzertuak azken ukitua eman zion horren egun bereziari.

Abenduaren 15eko ekitaldiak

Goizeko 11etan parte hartu duten Udalen alkateek ( Orisoain, Puiu, Leotz eta Garinoain), Turismo zuzendaria den Cristina Arcayaek eta Ingurumeneko Kontseilaria den Javier Marcotegui Rosek Nafarroako I. Boilur Azokari hasiera eman zioten ofizialki. Ordu horretan bertan, El Mirador jatetxeko Julio Elizalderen eskutik, 2000 arrautz boilurtu eman zituzten dastatzera. Jende ugari bertaratu zenez ordu eta erdian amaitu ziren.

Horrenbeste jende joan zen 12etan Angel María Ojer Amatriainen Orbaibartarraren “Lasi” zakurtxoa ikustera non ezkutatutako 8 boilurretatik bakarra baino ez zuen aurkitu.

Eguerdiko ordu batean Orisoaingo San Martin elizan Boilurraren Goraipatze Ekitaldia egin zen. Euskal Herriko Gastronomia-etxekoak diren Arzakek eta Peio Garcíak, eta Tubal jatetxeko Atxen Jiménezek antolatzaileak zoriondu zituzten haien iniziatibagatik eta aurrera jarraitzera animatu zituzten. Juan Marik eta Peiok boilurrak sukaldean eskaintzen dituen aukerak goraipatu zituzten eta Atxenek azken urteotan Orbaibarren aurrera eramaten ari diren ekimenak sendoago laguntzeko eskatu zuen. LIFE MicoValdorba Proiektuan sartuta dauden herrien lau alkateek Campos Manik egindako eskultura eman zioten Juan Mari Arzaki, Atxen Jiménezi, Peio García Amianori eta Amado Salazarri, Orbaibarren 1956.urtean lehenengo boilurrak hartu zituen pertsona dugu azken hau.

Eguerdiko ordu bietan, karpan berriro, 53 gramoko boilurra enkantatu zen Azoka ixteko. Boilurren hasiera prezioa 25,44€koa zen (4.233 pzta). El Mirador Jatxearen Julio Elizalde, Juan Mari Arzak eta Tafallako Tubal Jatetxeko Atxen Jiménez ibili ziren nor baino nor eskaintza handiagoa egiten. Atxen Jiménezek eraman zuen boilurra 500€ren trukean.

Eskualdeko jatetxeek menu mikologikoak eskaini zituzten egun guztian.

HELBURUAK ERDIETSIZ

Europako LIFE MicoValdorba proiektuak eta Nafarroako Boilur Ekoizleen Elkarteak Azoka hau antolatu dute Euskal Herriko Gastronomia-etxearen, Orbaibarraren Garapenerako Elkartearen, Nafarroako Hostalaritza Enpresarien Elkartearen, Leader Proiektuaren eta Nafarroako Gobernuaren laguntzaz.

Azoka honek zituen hainbat helburu bete dira, besteak beste: Boilurra jangai bezala ezagutzera ematea, janaria fundamentuz prestatzea, boilur-kultura sustatzea, barne merkatua eratu, eta boilurraren ekoizpena nekazari eremuetan sustatzea aukera errentagarri, ekologikoa eta jasangarri gisa.

Boilur ekoizleek saldu zuten boilur gehien kantitate txikietan, 10 eta 40 gramo bitartean, saltzekoa agortu arte. Era berean, azokara joan ziren mintegi/haztegilariek eramandako boilurrekin mikorrizatutako arte guztiak saldu ziren.

Euskal eta nafar sukaldeko bi izen handien, Juan Mari Arzaken eta Atxen Jiménezen, laguntzak merkatu motore eta dibulgazio-plataforma izan ziren.

Azokan, horren estimatuak ez diren eta kalitate gutxiagoko beste boilurrak ezagutzera eman ziren, adibidez, Tuber indicum, Tuber brumale o Tuber aestivum. Ekimen honen helburuetako bat iruzurra salatzea eta horren usain gozoa duen kalitatezko neguko boilurra (Tuber melanosporum espeziea) aldarrikatzea zen.

Antolatzaileek poz handiz hartu zuten jendearen parte hartzea eta portaera itzela. Igandean soilik 872 auto zenbatu ziren.

castellano

SARRERA