Egun, herrian hainbat familia bizi dira, baina 70 eta 80ko hamarkadetan ez zen bertan inor bizi. Julio Altadillek bere Geografía del País Vasco-Navarron dioenez populazioaren beherakada XIX. mendearen amaieran hasi zen. Lan horretan bertan aipatzen da ere 1890 urtearen inguruan herriak zuen garrantzia, 200 biztanle baino gehiago baitzituen. Horretaz gain bazituen ere zelai onak bere abere zein ehiza ugariarentzat... irin-errota, ogi-labea, frontoia eta bi trujal edo olio-errota: "buenos pastos para su ganadería que abunda tanto como su caza... un molino harinero, un horno de pan, frontón y dos trujales o molinos de aceite".

Badira Sansoainen mugapean inor bizi ez den bi baserri: San Lorenzo eta Muzker hiriberri.

Sansoainen Jasone eliza bisita dezakegu, XIII. mendearen hasierako eraikina azken hau. XIV. mendean burualdeko ganga gehitu zitzaion, baita elizaren oinean dagoen goiko korua eta koru-azpiaren azala ere. Koruko karelean harrizko sei lau-horriko daude, Uxueko koruan daudenen oso antzekoak. Eskaileratan kolore anitzeko zortzi harrizko ezkutu daude, baten-batean Nafarroako kateak eta Evreux Etxeko armarria ageri dira.

Elizan zeuden hainbat irudi egun Diocesiar Museoan daude, horietatik nabarmenena Ama Birjina Umearekin irudia dugu, XIII. mendekoa.

Herriaren beheko aldean antzinako harraska dugu (2002. urteko udan udaleko langileek zaharberritu zutena). Herrikoek esan digutenez eraikina 1928. urtekoa da eta Mónico delako Oletar batek eraiki zuen oin berritik hasita.

Etnografikoki interesgarriak dira hilerriko horman dauden disko formako hilarriak.

Herrian badago ere Valdorba Barrutia non taberna eta jatetxea dagoen eta Ehiza, plater-tiroa, arku-tiroa eta abar praktika daitezkeen.

castellano

SARRERA