|
Orbaibarrak
Zidakos ibaiaren goiko arroa osatzen du, izan ere, ibai horren
ibaiadarrek zeharkatzen baitute goitik behera. Honako mendizerrek
mugatzen dute Orbaibarra: Done Estebe (700 m) eta Alaitz (1100
m) iparraldean, Izko (1000 m) ipar ekialdean, Uzkita (1000
m) eta Gerinda (1000 – 650 m) hego eta ekialdean, eta
Buskil mendia (650 m) zein 600 metroko hainbat mendixka mendebaldean.
Hego mendebaldean, ordea, Tafallatik gertu dauden muinek mugatzen
dute arroa.
Orbaibarrak
interes handia pizten du natura eta paisaiaren inguruan. Bertan
hainbat klima daudenez, mediterraneoko paisaiak Kantaurialdeko
eta Pirinioaldeko hainbat ezaugarri agertzen dituela ikus
dezakegu.
Orbaibarrak
ez dut mediterraneoko zonek dituzten ezaugarri arruntak, berezitasun
geometriko- eta klimatikoek landare aniztasun aberatsez hornitzen
baitute bailara. Ibarrean barne ibilalditxo bat aski izango
zaigu Kantauri- eta Pirinioko ezaugarriak mediterraneokoekin
tartekatzen direla ikusteko: hosto erorkorreko pagadi- eta
hariztiak batetik, hosto iraunkorreko artadi- eta abariztiak
bestetik, mediterraneoko zereal soroak, olibondoak, mahastiak,
almendrondoak... batetik eta larreak bestetik.
Aniztasuna
da gailen gure bailaran, bista ederrak dituzten mendi zoragarriak,
beti berde dauden mendiak, paisaiari kolore aldakor eta ugaria
ematen dioten hosto ximelkor- eta erorkorreko basoak. Lehorreko
laboreek osatzen dute bailarako kolore-festa: marroixkak udazken-
eta neguan, orlegiak udaberrian eta horiak udan. Lautada zabalek
bailara itxiekin egiten dute topo; sasiek, terraza-laborantzek,
herritxoek, basotxoek, ibaiertzeko landareek... horiek guztiek
mosaiko liluragarria osatzen dute. Ezohiko baldintzok bizileku
ezin hobea eskaintzen diote Europako hegazti harrapari dentsitate
handienetakoari.
ERKIDEGOKO LEKU INTERESGARRIAK
Orbaibarren
erkidearentzat interesgarriak diren hainbat leku zedarriztatu
dira, hau baita Babes Bereziko eremuak izan aurretik eman
beharreko pausoa. Leku hauek guztiak Natura 2000 sarearen
barne egongo dira.
Leku
hauek guztiek Leotz eta Puiuko 1347 ha. hartzen dituzte eta
San Martin Unxeraino heltzen dira, eta Conde mendiko eta Oletako
natura erreserbak barne hartzen ditu. Bertan, Nafarroako habitaten
%51 aurki ditzakegu.
Zona
hauek garrantzi handia dute Nafarroa ekialdeko eta mendebaldeko
habitatak lotzen baitituzte eta mediterraneo paisaia menditsuaren
erakusle baitira aldi berean.
|
